Tid og stad
- Når
-
- 17. nov. 2025, 09:00 - 15:30
- 18. nov. 2025, 09:00 - 15:30
- 11. des. 2025, 09:00 - 15:30
- 12. des. 2025, 09:00 - 15:30
- Kvar
-
Vestlandshuset
Lars Hilles gate 22
5008 Bergen
- Påmelding
-
Frist for påmelding: 01. sep. 2025
Kort om undervisningstilbodet
Den tverrfaglege opplæringa utrustar tilsette i hjelpeapparatet med ein haldnings- og handlingskompetanse til å kunne jobbe førebyggande, miljøterapeutisk og klinisk med negativ sosial kontroll og æresrelatert vald.
Tema for samlingane:
- Negativ sosial kontroll og æresrelatert vald i ulike kontekstar
- Vald og traumer
- Migrasjon, akkulturasjon (kulturell endring som skjer i møtet mellom to kulturar) og transnasjonale familieliv (familieliv på tvers av landegrenser)
- Dialog, kultur og kommunikasjon
- Risiko og utfordringsbilete
Kva lærer du?
- Du lærer å identifisere, forstå og analysere kva mekanismar som ligg bak negativ sosial kontroll og æresrelatert vald i ulike samfunnskontekstar.
- Du får fagleg forankra kunnskap og metodiske ferdigheiter til å jobbe førebyggande, miljøterapeutisk og klinisk med desse problemstillingane.
- Det blir lagt særleg vekt på fenomen- og prosessforståing av negativ sosial kontroll og æresrelatert vald, vald og traumer, migrasjon, akkulturasjon og transnasjonale familieliv , samt dialog og kommunikasjon, tverrkulturell konfliktmegling og risikovurdering.
- Som deltakar utviklar du profesjonell handlings- og haldningskompetanse i arbeidet med råka individ, familiar og miljø.
Oversikt over foredragshaldarar
Vi legg ut oversikt over foredragshaldarar fortløpande, før kvar samling.
Målgruppe
- Primærmålgruppa er tilsette i 1. og 2. linjetenesta: barnevern, skule, utekontakt, flyktningteneste, krisesenter, rus og psykisk helse, familievern, politi, BUP og DPS, og andre som jobbar direkte med målgruppa i sitt virke.
- Sekundærmålgruppa er avdelingsleiarar og tilsette på systemplan som har eit særansvar på fagfeltet.
Pris
Gratis deltaking.
Viktig å vite
Det er mogleg å delta fysisk på Vestlandshuset i Bergen eller fylkeshuset i Førde. Om ein vil delta fysisk frå Førde, blir samlinga direktesendt frå Bergen og det blir fysisk gruppearbeid.
Opplæringa vil også opne for individuell digital deltaking for Rogaland.
Historikk
I over 25 år har Noreg hatt eigne handlingsplanar for å førebyggje tvangsekteskap, kjønnslemlesting og æresmotivert vald. Dei siste åtte åra har også negativ sosial kontroll vore ein del av regjeringa sin handlingsplan. I 2023 piloterte RVTS Vest, i samarbeid med Bergen kommune og Vestland fylkeskommune, den første fagopplæringa om førebygging av negativ sosial kontroll og æresrelatert vald for hjelpeapparatet i Noreg. Etter stor etterspørsel og positiv evaluering har opplæringa blitt ein del av vår satsing.
I Bergen kommune sin Handlingsplan for førebygging av negativ sosial kontroll 2023–2027, Noreg sin første kommunale handlingsplan på tematikken, er dette opplæringstilbodet definert som eit eige tiltak. Desse initiativa representerer viktige, strategiske satsingar som ulike etatar og organisasjonar har utvikla i fellesskap dei siste åra.
Vi håpar at dette vil bidra til å styrkje likeverdige, relevante og berekraftige hjelpetiltak retta mot unge, vaksne og familiar som er utsette for eller råka av denne typen vald, kontroll og traumebelastningar, seier Elisabeth. Eksempel på organisasjonar og etatar som har delteke: barnevern, rus og psykisk helse, NAV, politi, kommunal flyktningteneste/introduksjonsprogram, vaksenopplæring, skuleleiarar, lærarar og miljøterapeutar i skule, utekontakt, UDI, BUP, Bufetat etc.