Fagnettverk for veteranar og innsatspersonell

Det regionale fagnettverket for veteranar og innsatspersonell vert leia av RVTS Vest.

Ein person som ber eit barn på skuldrene.

Fagnettverket i region vest vart etablert i 2011. Nettverket har brei representasjon og møtast tre gongar i året.

Hovudfokuset er kunnskapsheving gjennom faginnlegg, informasjon frå Forsvaret og RVTS Vest og erfaringssdeling på tvers av kommunane.

Viktige tema i fagnettverket er:

  • utvikle kompetansehevande titak for kommunane om veteranen/ veteranfamilien si helse og liv
  • tilgjengeleggjere informasjon og kurs frå Forsvaret og RVTS
  • bistå kommunane med utarbeiding og oppfølging av veteranplanar
  • drifte digitalt nettverk for veteranar og innsatspersonell (to gongar årleg)
  • overføre kunnskap frå veteranfeltet til innsatspersonell og flyktningehelse
  • støtte veterankontaktane i kommunane
  • undervisning

Fagnettverket har nært samarbeide med Statsforvaltarane i Rogaland og Vestland.

I Rogaland er det etablert eit arbeidsutval underlagt fagnettverket, kor også RVTS Vest er representert. 

Fagnettverket er breitt samansett av Statsforvaltaren i Vestland, kommunal veterankontakt, kommunal helseteneste, veteranorganisasjonar, Politiet, Forsvarets veterantjeneste/Haakonsvern, Sjefsprest FTLK Sjøforsvaret, Bufetat (Familievernet) og NAV (Arbeids- og velferdsetaten) og RVTS Vest.

Arbeidsutvalet i Rogaland består av Statsforvalteren i Rogaland, NVIO, kommunale veterankontaktar, politiveteraner frå internasjonale oppdrag, NAV, Familevernkontoret og Forsvarets veterantjeneste og RVTS Vest.

Arbeidsutvalet arrangerer digitale og fysiske nettverkssamlingar, vekselvis mellom Rogaland/Sunnhordaland. 

 

Sist oppdatert 08.05.2026