Samlinga for alle unge som er etterlatte eller berørte. Du som har mist eit familiemedlem, ein ven eller andre som var viktige i livet ditt vil gjennom denne dagen få påfyll for betre å kunne mestre, forstå og plassere tankar og følelsar du kjenner på etter tapet.
To kursleiarar som har lang erfaring frå Unge LEVE-samlingar vil bidra til refleksjon og kunnskap gjennom innlegg og samtale. Samlinga passar for alle, og ingen vil måtte dele eller delta meir enn ein sjølv kjenner seg klar for. Det viktigaste er at du kjem!
Deltaking på samlinga er gratis, med dersom du skal overnatte, så må du registrere dette (Betaling skjer ved utsjekk frå hotellet).
Alexandra hotel, Loen i Stryn kommune/Nordfjord
Unge etterlatne, berørte og engasjerte under 35 år
(Sjølv om du er under 35 år, kan du alternativt melde deg på dagskonferansen)
Veronica Halvorsen Møgster
Jobbar som fagansvarleg for Unge LEVE, ungdomsavdelinga i LEVE – landsforeininga for etterlatne ved sjølvmord. Det er ein landsdekkande organisasjon med føremål om å støtte etterlatne og råka ved sjølvmord. LEVE ønskjer òg å bidra til å førebyggje sjølvmord gjennom openheit, opplysningsverksemd og politisk arbeid. Unge LEVE er for dei mellom 15-35 år som har opplevd å miste nokon i sjølvmord, eller som ønskjer å støtte arbeidet vårt. Veronica er utdanna helsesjukepleiar, har ulike arbeidserfaringar i møte med menneske som sjukepleiar, slik som akuttpsykiatrisk avdeling ved Akershus Universitetssjukehus og har ei bistilling i dag i oppsøkande ungdomsteam i Lillestrøm kommune. Veronica er styremedlem i Sorgstøttealliansen for LEVE. Dei siste åra har Veronica møtt mange ungdommar og unge vaksne som har opplevd å miste nokon i sjølvmord gjennom arbeidet i Unge LEVE.
Knut Andersen
Arbeider ved VID høyskole som høgskulelektor, han har mellom anna ansvar for ei vidareutdanning i sorgstøttearbeid. Knut er òg tilknytt Akershus Universitetssykehus der han leier eit prosjekt om sorgstøttearbeid i Ukraina, og han har ei bistilling ved UiO der han underviser i behandling av forlenga sorgliding. Knut har arbeidd full tid med sorgstøttearbeid i 20 år, mesteparten av tida ved «Poliklinikk Sorgbehandling» ved Akershus Universitetssjukehus. Han er òg leiar av sorgstøttealliansen, eit kompetansenettverk for fag- og likepersonar som møter etterlatne og pårørande.
Rita Småvik
Rita arbeider som rådgjevar innan førebygging av sjølvmord og sjølvskading, samt traumer, ved RVTS Midt. Ho har òg ei bistilling i Vivat sjølvmordsførebygging. Med utdanning som psykiatrisk sjukepleiar og ein mastergrad i helsevitenskap, har Rita lang erfaring frå psykisk helsevern, der ho har jobba med både vaksne og barn. Ho har vidareutdanning innan rettleiing, kognitiv terapi, sorgterapi og yogaterapi. I tillegg er ho aktiv i Leve, der ho sit i sentralstyret og bidreg med undervisning for likepersonar.