Septemberkonferansen 2026 -traumer og digitale krenkingar

Om årets tema

Vald, overgrep, mobbing, utnytting, utestenging, trakassering og uthenging. Krenkingar skjer ikkje lenger berre i direkte kontakt mellom menneske, men òg på digitale flater og ved bruk av ny teknologi. Når krenkingar blir digitale, blir dei òg grenselause – ofte skjult og anonymt.

Kva skjer når krenkingane blir flytta til digitale plattformer, sosiale medium og teknologiske system vi alle brukar kvar dag?

Septemberkonferansen 2026 set søkjelys på digitale krenkingar som eit eige fagleg og samfunnsmessig fenomen.

Vi har invitert internasjonale og norske forskarar, praktikarar og aktørar for å belyse korleis digitale krenkingar rammar barn, unge, vaksne – fagpersonar og enkeltmenneske i offentlegheita – og korleis vi kan førebygge, forstå og handle i ei digital verkelegheit som utviklar seg raskare enn oss.

Pris og praktisk informasjon:

Dei første 100 påmeldte får konferansen til 3000,- for begge dagar.

Deretter er prisen 3750,- for begge dagar.

Konferansemiddag kostar 399,-

Dette er inkludert i prisen (fysisk/digital deltaking)

• To dagar med spennande fagleg innhald!

For fysisk deltaking kjem dette i tillegg:

• Lunsj begge dagar
• Pausemat gjennom dagane
• Arena for nettverksbygging med andre fagpersonar
• Tilgang til standområde

Dette er ikkje inkludert i prisen

• Konferansemiddag (399,-)
• Overnatting (må bestillast og betalast av deltakar sjølv)

Bekrefta foredragshaldarar

Dr. Sameer Hinduja

Professor, School of Criminology and Criminal Justice ved Florida Atlantic University

Dr. Sameer Hinduja er professor ved School of Criminology and Criminal Justice ved Florida Atlantic University, meddirektør for Cyberbullying Research Center og tilknytt Berkman Klein Center ved Harvard University.

Kim Edgar Karlsen 

Direktør og psykologspesialist, Alternativ til vold

Kim Edgar Karlsen skal snakke om konsekvensar av medieeksponering.

Rune Aune Mentzoni

Instituttleiar ved Institutt for samfunnspsykologi, UiB

Rune Aune Mentzoni skal snakke om dei positive sidene ved spel og nettbruk.

Maren Gjesdal

Fagleiar for Politiets nettpatrulje Vest

Maren Gjesdal vart uteksaminert frå Politihøgskulen i 2018. Ho er i dag fagleiar for Politiets nettpatrulje Vest, der ho har arbeidd dei siste fem åra. Ho jobbar hovudsakleg på nett med å førebygge kriminalitet ved bruk av sosiale medium og har dagleg dialog med innbyggjarar som står i ulike situasjonar eller problem. Ho er oppteken av at politiet skal vere der folk er, og vere like tilgjengelege for alle. Gjennom ein utradisjonell og målretta bruk av sosiale medium bygger ho tillit, senkar terskelen for kontakt og når særleg unge – ei gruppe som tidlegare sjeldan tok direkte kontakt med politiet.

Tittel på føredraget: «Fra gata til data – nettpatruljen om et trygt digitalt liv»

Meir informasjon om Septemberkonferansen 2026 kjem snart.