Vi tilrår at du alltid nyttar siste versjon av nettlesaren din.
Kurs
Oppmerksom på sjølvmordstankar, OPS!
Kurset gir auka merksemd på sjølvmordstankar og verktøy for korleis du kan gje innleiande hjelp.
Tilgjengeleg på førespurnad
Undervisningstilbodet er tilgjengeleg på førespurnad.
Kort om kurset
Kurset nyttar ulike læringsmetodar som førelesing, film, diskusjon og praktiske øvingar. OPS! blir undervist av godkjende kursleiarar.
Vivat selvmordsforebygging har ansvar for utdanning av kursleiarar og kvalitetssikring av kurset, som er utvikla av LivingWorks i Canada og brukt internasjonalt under nemninga safeTALK.
Kurset gir verktøy for å oppdage sjølvmordstankar og hjelpe personen vidare til rett hjelp.
Varigheit: Fire timar.
Målgruppe
Mange kan bidra til å førebyggje sjølvmord. Alle over 18 år kan delta.
Kva lærer du?
kome forbi haldningsbarrierar som gjer at du ikkje oppdagar, avviser eller unngår signal om sjølvmordstankar
oppdage menneske med sjølvmordstankar
bruke dei fire stega: fortel, spør, lytt og sørg for tryggleik for å hjelpe personen med sjølvmordstankar i kontakt med ein som kan gje førstehjelp ved sjølvmordsfare eller vidare hjelp
Er OPS! av interesse for deg eller din kommune/arbeidsplass/organisasjon, kontakt oss.
