Vi tilrår at du alltid nyttar siste versjon av nettlesaren din.
skule
Utviklingstraumer og barnesyn
Moglegheitene eg får gjennom korleis eg tenker om barn sine reaksjonar
Innhald:
Vi treng alle eit fagleg fundament å handle ut frå når vi blir usikre. Teori om utviklingstraume kan vere eit slikt fundament som gjer deg tryggare i praksisen din.
Verdiane våre, haldningane våre og kunnskapen vår påverkar både elevsynet vårt og språket vi brukar når vi snakkar med og om barn.
Film: Grunnleggande traumeforståing
Vi etablerer ei forståing av kva utviklingstraume er, forklarar eit utviklingsperspektiv på traumatisering, og gir innblikk i kva for konsekvensar traume kan ha for helsa og fungeringa til barn.
Du har no lytta til den teoretiske forståingsramma innan traumefeltet.
Kan denne forståingsramma fungere som fundament for korleis du forstår og møter barn i klasserommet?
Kan dette faglege fundamentet hjelpe deg når du blir overvelda eller usikker i møte med barns reaksjonar?
Open refleksjon.
Korleis kan denne kunnskapen vere ei støtte for deg og dykk i kollegiet?
Kva opplevast vanskeleg for deg/dykk?
Den yngste i gruppa passar på tida. Den nest yngste passar på at alle får ordet.
🧘♀️ Sansemotorisk minipause
Film: Ditt barnesyn
Å dele eit felles barnesyn som grunnlag for korleis vi møter barn sine reaksjonar.
Eit positivt barnesyn er avgjerande for å kunne møte kvart enkelt barn på den måten barnet har behov for.
Eit positivt barnesyn handlar om å sjå alle barn som viktige bidragsytarar til eit godt læringsmiljø.
Kva treng du for å halde fast ved eit positivt barnesyn – også i situasjonar der du blir utfordra?
Har du nokre mønster du ofte gjentek?
Barn treng å bli møtt med varme, bli trudd på og bli tekne på alvor.
Kor vanskeleg eller lett er det for deg å eigje og handle ut frå eit slikt elevsyn?
Runde i gruppa: Kvar deltakar deler i eitt minutt. Deretter open refleksjon.
Avslutning
Takk for i dag – lukke til med små endringar som over tid kan gjere at barn får det betre, og at du får det betre på skulen.