Den inkluderande leiken i skulen

Finn noko konkret i denne fagfilmen du verkeleg trur på, og som du vil gjera meir av i klassen din. Skriv ned tre punkt. 

3 i kvar gruppe: 

Ta runden, kvar i gruppa får presentere sine 3 punkt frå individuell refleksjon, der dei også begrunner dei 3 punkta.  Gruppa stiller reflekterande spørsmål til den som legg fram. Bruk 5 minutt pr. Tilsett. Siste 10-15 minutt: Drøft saman: Kvar vil vi ha meir leik på vår skule?   

Individuell refleksjon:

Den amerikanske forskaren Bruce Perry meiner at ein aktivitet kan vere utviklingsfremjande så lenge han oppfyller følgjande seks kriterium:

1. Relasjonell
2. Repetitiv
3. Relevant for barnet/den unge sitt utviklingstrinn
4. Lystbetont
5. Rytmisk
6. Respektfull

Når ein ser desse punkta, forstår ein òg kvifor leik og leikbaserte tilnærmingar har fått stadig større anerkjenning innan traumefeltet. Leik kan integrerast i nesten alle fag og timar i skulen.

For dei yngste i skulen vil mange songleikar og rolleleikar oppfylle desse kriteriuma.

For litt eldre elevar vil leik og aktivitetar som spel, dans, kreativitet, ballspel, kontakt med dyr, turar i naturen, bygging av leikehytter m.m. ivareta behova deira.

For ungdom gjeld det same – kreative aktivitetar, dans, musikk, brettspel, rollespel m.m.

Finn konkrete døme på leik/aktivitet som ivaretek dei seks kriteriuma i di klasse eller gruppe, og skriv ned dine døme. Det er heilt greitt å ikkje finne svar.

Lærande fellesskap, med kollegaer du jobbar saman med (3-5 i gruppe).

Korleis kan de som kollegaer støtte kvarandre til å få meir leik inn i alle læringssituasjonar frå 1.–10. trinn?

Skriv ned tre forslag frå di gruppe.