Radikalisering og valdeleg ekstremisme

Kunnskap om vegen inn og vegen ut av radikalisering og valdeleg ekstremisme er viktig for førebyggje og hjelpe menneske ut av ekstreme verdsbilete, eller ekstreme grupper og miljø.

Radikalisering mot valdeleg ekstremisme handlar om at personar gradvis tek avstand frå samfunnets demokratiske prinsipp og rettferdiggjer bruk av truslar og vald for å nå sine ideologiske, religiøse eller politiske mål.

Radikalisering: Ein djupgåande prosess

Søken etter sosial tilhøyrsle, identitet, meining og beskyttelse er sentrale faktorar og pådrivarar i starten av mange radikaliseringsprosessar. Ein radikaliseringsprosess inneber vanlegvis fleire stadium, inkludert eksponering for radikale idear, aksept av desse ideane som ein del av ens identitet, og til slutt mobilisering til handling. I prosessen kan personen bli utsett for press, grooming og påverknad frå enkeltpersonar og miljø.

Å møte verda med psykisk sårbarheit

Mange som oppsøkjer udemokratiske og valdelege miljø har opplevd utanforskap, krenkingar og traumatiske erfaringar i oppveksten. Gjentekne belastningar kan føre til psykisk sårbarheit i form av negative kjensler, frykt, avmakt og sinne. Dette kan igjen skape ei utrygg identitet, sosiale utfordringar og mistillit til samfunnet og autoritetar.

Ekstreme nettverk og propaganda tilbyr ofte tilhøyrsle, enkle forklaringar og løysingar på kompliserte spørsmål som kan møte og lindre denne sårbarheita.

Av-radikalisering

Summen av sårbarheitsfaktorar gjennom livsløpet gir innsikt i ein persons hjelpebehov og lidingstrykk. Avradikaliseringsprosessar inneber anerkjenning av negative erfaringar og ei forståing av korleis desse har forma identitet og verdsbilete. Ei traumeinformert tilnærming er viktig for å aktivere indre motsetning mellom ekstreme ideologiar og personlege verdiar. Slik kan nye, berekraftige motforteljingar vekse fram i livshistoria.

Lundegaard, A., & Harnes, E. (2024). Fra individuelle og kollektive traumer til voldelig ekstremisme. I E. Harnes & E. Ivarsflaten (Red.), Innsats mot Ekstremisme i teori og praksis. Fagbokforlaget.

Norges offentlige utredninger. (2024). Felles innsats mot ekstremisme: Bedre vilkår for det forebyggende arbeidet (NOU 2024:3). Justis- og beredskapsdepartementet.

Miller, W. R., & Rollnick, S. (2023). Motivational interviewing: Helping people change and grow (4th ed.). New York: Guildford Press.

Justis- og beredskapsdepartementet. (2020). Handlingsplan mot radikalisering og voldelig ekstremisme (2020–2023). Regjeringen.

Simi, P., Sporer, K., & Bubolz, B. F. (2016). Narratives of childhood adversity and adolescent misconduct as precursors to violent extremism: A life-course criminological approach. Journal of Research in Crime and Delinquency, 53(4), 536-563.

RVTS. (n.d.). Utveier.no: Nasjonal nettportal om radikalisering og voldelig ekstremisme. Utveier. https://www.utveier.no