Kunnskap om helse, migrasjon og traume er avgjerande for å sikre trygge og likeverdige tenester.
Migrasjonserfaringar, tap og langvarig uro kan prege både fysisk og psykisk helse. Mange har vore utsette for vald, krig og forfølging, og lever med konsekvensane av dette i møte med eit nytt samfunn. Belastningar i ulike fasar av migrasjonsprosessen kan føre til psykiske plager og redusert livskvalitet. Ei traumeinformert tilnærming gir forståing for symptombiletet og bidreg til trygg og respektfull oppfølging.
Migrasjonserfaringar, tap og langvarig uro kan prege både fysisk og psykisk helse.
RVTS Vest arbeider for å styrke kompetansen i tenester som møter menneske med migrasjonsbakgrunn – i kommune, spesialisthelseteneste, frivillig sektor, barnevern, politi, skule og barnehage. Vi tilbyr kompetanseløft gjennom undervisning, rettleiing og implementering av større tiltak, både på system- og individnivå.
Vi bidreg i arbeidet med å sikre tidleg kartlegging, helsevurdering og god kommunikasjon via tolk, i tråd med nasjonale føringar som Tolkelova og Helsedirektoratet si rettleiing. Arbeidet med flyktninghelse krev tverrfagleg innsats og kulturforståing – og eit målretta arbeid for å sikre likeverdige og tilpassa tenester for menneske på flukt.