Endringsagenter

Kort om kompetanseprogrammet

Endringsagentar er ein del av regjeringa sin handlingsplan mot negativ sosial kontroll og æresrelatert vald og er utarbeidd av RVTS på oppdrag frå Barne-, ungdom- og familiedirektoratet.

Opplæringa skal utruste ressurspersonar i frivillige organisasjonar og berørte miljø med ei styrka handlings- og haldningskompetanse til å førebygge og hjelpe menneske ut av negativ sosial kontroll og æresmotivert vald.

Kva lærer du?

Opplæringa er tverrfagleg og består av 13 moduler. Den vektlegg dialog og relasjonskompetanse der endringsagentane blir medvitne om si eiga rolle og består av ein kombinasjon mellom førelesingar og interaktivt dialog og gruppearbeid. Opplæringa gir deltakarane konkrete og praktiske verktøy.

Dei 13 modulane berører følgjande tema:

Æresrelatert vald
Negativ sosial kontroll
Tvangsekteskap
Kjønnslemlesting
Vald i nære relasjonar
Psykisk helse i eit fleirkulturelt perspektiv
Migrasjon- og akkulturasjonsstress
Transnasjonale familieliv
Traumeforståing og traume-basert tilnærming
Fleirkulturell kompetanse
Endringsprosessar
Lovverk og samfunnsforståing
Risikovurdering og utfordringsbilde

Målgruppe

Tilsette og ressurspersonar som arbeider med negativ sosial kontroll og æresmotivert vald i frivillige organisasjonar, trussamfunn, menigheiter eller andre berørte miljø der tematikken er aktuell, for eksempel i diasporamiljø.

Nettverkssamlingar

Endringsagentar som har gjennomført opplæringa, blir inviterte til regionale nettverkssamlingar i regi av dei regionale RVTS-ane dei høyrer til, samt to digitale, nasjonale halvdagsseminar i året.

I nettverket kan deltakarane utveksle erfaringar og få fagleg påfyll i form av oppdatert og tidsaktuell kunnskap innan feltet.