Nytt kurstilbod retta mot mellomleiarar i grunnskulen
Nytt tilbod for å styrke mellomleiaren si rolle i arbeidet med skulemiljøet
Hausten 2025 blir «Trygge leiarar – elevane sitt skulemiljø» lansert, eit nytt og gratis kurstilbod spesielt retta mot mellomleiarar i grunnskulen.
Målet er å styrkje kompetansen og tryggleiken til mellomleiarar i arbeidet med å førebygge og handtere mobbing.
Kurset kombinerer ein fagdag med digital oppfølging, og blir arrangert i Bergen og Førde.
Foto: Christina Hauge, RKBU Vest
Mellomleiarar har ei viktig rolle
Mellomleiarar i skulen, som avdelingsleiarar og inspektørar, har ei viktig rolle i å skape eit trygt og inkluderande skulemiljø. Likevel har dei tradisjonelt hatt færre moglegheiter for målretta kompetanseheving enn rektorar.
Med «Trygge leiarar – elevane sitt skulemiljø» får dei no eit skreddarsydd tilbod retta mot deira rolle.
Innhald
Kurset er utvikla i samarbeid mellom Mobbeombudet i Vestland, RKBU Vest og RVTS Vest. Det består av ein heildags fagdag og ein digital workshop, og fokuserer på:
- Lov og lovanvending, inkludert utfordringar med skjerpa aktivitetsplikt og barnets beste som rett, prinsipp og prosedyre
- Mobbing – omfang, fenomen og konsekvensar
- Førebygging: arbeid i personalet, bruk av tverrfaglegheit, forståing av gruppedynamikkar
- Handtering: relasjonens betydning, samtaleverktøy, rehabilitering
- Støtte til leiarrolla i komplekse mobbesaker
Arrangementet blir halde i Bergen og Førde, med oppstart i Bergen den 13. november og i Førde den 4. november.