Meistrings- og stabiliseringsgrupper

Kort om kompetanseprogrammet

Målsettinga med kompetanseprogrammet er å gi deltakarane generell kunnskap om traumelidingar og traumesymptom, samt kunnskap om verktøy for å handtere desse.
Vidare korleis drive slike grupper med fokus på psykoedukasjon og meistring av traumesymptom samt betra fungering i kvardagen.

Programmet går over tre samlingar, kvar på to heile dagar med teori og prakiske øvingar.

Etter gjennomført program

Deltakarane skal kunne leie og gjennomføre grupper der fokus ikkje er på sjølve den traumatiske hendinga, men på auka forståing og betre handtering av traumesymptom
Deltakarane skal kunne auke gruppedeltakarane si meistring og livskvalitet i kvardagen
Deltakarane skal kunne gi gruppetilbod tilpassa si brukargruppe og i eit omfang og tidsramme som er mogleg å gjennomføre på det enkelte arbeidsstad.
Månadleg rettleiing frå RVTS Vest i eitt år, til deltakarane som har gjennomført opplæringa og som har starta gruppe. Rettleiinga vil vere mogleg å delta på både fysisk og på Teams.

For deltakarar frå små kommunar kan det vere hensiktsmessig med interkommunalt samarbeid, eller samarbeid mellom ulike einingar i same kommune.

Kva lærer du?

Generell kunnskap om traumer og traumereaksjonar
Kva er traumebehandling?
Kven eignar seg for eit slikt gruppetilbod - kartlegging og seleksjon
Grupper og gruppeprosessar
Psykoedukasjon
Verktøy for regulering og mindfulness for traumeutsette
Triggarar og handtering av triggarar
Traumer og kropp
Overføring og motoverføring
Korleis ivareta seg sjølv som hjelpar

Målgruppe

Programmet er primært for tilsette i kommunen, krisesentra og NOK-sentra som ønskjer å starte grupper for personar over 18 år som har traumesymptom, men tilsette i andre delar av hjelpeapparatet er også velkomne til å delta.

Viktig å vite

For å kunne delta i kompetanseprogrammet må ein forplikte seg til å vidare drive grupper for traumeutsette. Det er derfor viktig at det deltar 2-3 frå same arbeidsstad som kan drive grupper saman, evt. tenke interkommunalt samarbeid.

Kjekt å vite

Deltakarar frå Nok-senteret i Bergen, alle krisesentra i Vest og Hannas hus, gjennomførte programmet som blei avslutta februar 2025. Ved krisesenteret i Sogn og Fjordane starta dei opp gruppe i februar 2025 og Stavanger planlegg oppstart av gruppe hausten 2025.