Vi bruker informasjonskapslar
Vi bruker informasjonskapslar for at nettsidene våre skal fungere.
Les meir om informasjonskapslane våre
Vi tilrår at du alltid nyttar siste versjon av nettlesaren din.
logo rvts vest

Ny handlingsplan mot negativ sosial kontroll og æresrelatert vald

Med den nye handlingsplanen vil regjeringa styrke og intensivere innsatsen mot negativ sosial kontroll og æresmotivert vald.

Publisert 12.06.2025
Ryggen til ei kvinne.

Nyleg lanserte regjeringa handlingsplanen "Sjef i eget liv - styrket innsats mot negativ sosial kontroll og æresmotivert vold (2025 – 2028)"

Eitt av handlingsplanen sine innsatsområde er kompetanseheving i tenesteapparatet. RVTS Vest tilbyr både rettleiing og skreddarsydd undervisning for tenester om negativ sosial kontroll og æresrelatert vald. I tillegg har vi faste kompetanseprogram om temaet.

Til hausten startar vi ny runde med fagopplæring om førebygging av negativ sosial kontroll og æresrelatert vald.

Fagopplæring om førebygging av negativ sosial kontroll og æresrelatert vald

Den tverrfaglege opplæringa utrustar tilsette i hjelpeapparatet med ein haldnings- og handlingskompetanse til å kunne jobbe førebyggande, miljøterapeutisk og klinisk med negativ sosial kontroll og æresrelatert vald.

Tema for samlingane:

  • Negativ sosial kontroll og æresrelatert vald i ulike kontekstar
  • Vald og traumer
  • Migrasjon, akkulturasjon (kulturell endring som skjer i møtet mellom to kulturar) og transnasjonale familieliv (familieliv på tvers av landegrenser)
  • Dialog, kultur og kommunikasjon
  • Risiko og utfordringsbilete

Målgruppe  

  • Primærmålgruppa er tilsette i 1. og 2. linjetenesta: barnevern, skule, utekontakt, flyktningteneste, krisesenter, rus og psykisk helse, familievern, politi, BUP og DPS, og andre som jobbar direkte med målgruppa i sitt virke.
  • Sekundærmålgruppa er avdelingsleiarar og tilsette på systemplan som har eit særansvar på fagfeltet.
Elisabeth Harnes.

Foto: Cristo Borrachero

Elisabeth Harnes er ansvarleg for fagopplæringa.

– I Bergen kommune sin Handlingsplan for forebygging av negativ sosial kontroll 2023 – 2027 er fagopplæringa eit eige tiltak, det same er Endringsagentar og TOT Negativ sosial kontroll og æresrelatert vold. Dette er viktige tiltak som vi på tvers av etatar og organisasjonar har jobba strategisk med å utvikle dei siste åra, og som vi håpa vil bidra med styrking av likeverdige, relevante og bærekraftige hjelpetiltak til unge, vaksne og familiar som er utsett og berørte av denne type vald, kontroll og traumebelastningar, seier Elisabeth Harnes, som er ansvarleg for fagopplæringa.

- Det er mogleg å delta fysisk på Vestlandshuset i Bergen eller fylkeshuset i Førde. Om ein vil delta fysisk frå Førde, blir samlinga direktesendt frå Bergen og det blir fysisk gruppearbeid.
 
Opplæringa vil også opne for individuell digital deltaking for Rogaland.

Fagopplæringa er eit samarbeid mellom Bergen kommune, Vestland fylkeskommune og Vest Politidistrikt.

Høgsesesong for ufrivillige utanlandsopphald

Regjeringa har sendt ut brev om ufrivillig utanlandsopphald til alle kommunar, fylkeskommunar og statsforvaltarar om viktig kontaktinformasjon og rettleiing dersom du er bekymra for barn eller unge som skal reise til utlandet.

Relatert