Forankring i kommuneleiinga
Årleg rapportering av TryggEst-arbeidet til kommuneleiinga sikrar kunnskap og involvering.
Rapportering til Bufdir og kommuneleiinga
Kvart år skal det rapporterast til Bufdir på korleis tilskotet har blitt brukt. På Teams, i det nasjonale TryggEst-teamet, finst ein eigen kanal med informasjon og rettleiing om rapporteringsprosessen.
Forankring i kommuneleiinga
TryggEst-arbeidet skal vere forankra i kommuneleiinga. Vi anbefalar difor at de rapporterer årleg til kommuneleiinga om TryggEst-arbeidet. Dette sikrar at dei er opdaterte på status for valdsarbeidet i kommunen og innsatsen til TryggEst-teamet. Vurder også å gje informasjon til kommunale råd for eldre og funksjonshemma.
Rapporten til kommuneleiinga kan inkludere ein kvalitativ del der de skildrar utfordringane de har møtt på i TryggEst-arbeidet og synleggjer ressursbruken det inneber. Dette gir eit meir nyansert bilde av arbeidet, og kan bidra til auka forståing og støtte.