Jobbar du som barnekoordinator? Eller har du ansvar for barnekoordinatorordninga?
Statsforvaltarane i Vestland og Rogaland, RKBU vest, KORUS Bergen og RVTS vest inviterer alle med ansvar og oppgåver knytt til barnekoordinatorrolla til digital samling, onsdag 19. mars Kl. 09-14.
Tema for første samling: Lovkrav, rammer, dokumentasjon og forventingar til rolla som barnekoordinator.
"Familier som har eller venter barn med alvorlig sykdom, skade eller nedsatt funksjonsevne, og som vil ha behov for langvarige og sammensatte eller koordinerte helse- og omsorgstjenester og andre velferdstjenester, har rett til barnekoordinator etter pasient- og brukerrettighetsloven § 2-5 c.
Kommunen har plikt til å oppnevne barnekoordinator etter helse- og omsorgstjenesteloven § 7-2 a. Det innebærer at det er den kommunale helse- og omsorgstjenesten som skal oppfylle retten til barnekoordinator. Spesialisthelsetjenesten har ikke plikt til å tilby barnekoordinator.
Dersom det er oppnevnt barnekoordinator, skal barnekoordinatoren sørge for samordning av tjenestetilbudet. De øvrige velferdstjenestenes plikt til å samarbeide med barnekoordinatoren følger av velferdstjenestenes samarbeidsplikter og bestemmelsene om kommunens samordningsansvar".
Kjelde: Helsedirektoratet
I januar gjennomførte vi eit innspelsmøte med kommunane, der vi saman såg på kva behov som kom fram i haustens kartlegging og la ein plan for 2025. Kartlegginga var det Statsforvaltarane som stod for, og det kom fram at kommunane ønsker støtte og tilrettelegging for erfaringsdeling. Vi landa på å gjennomføre fire digitale samlingar i 2025. Samlingane skal ha rom for faglege innlegg, erfaringsdeling, brukarperspektiv og informasjonsutveksling. Vi har og oppretta eit digitalt nettverk der medlemmene kan dele erfaringar, tipse kvarandre om relevante kurs og ressursar og drøfte rolle og funksjon i ordninga.
Linda R. Kvalvik, områdeleiar barn og unge ved RVTS Vest, fortel at det er eit godt samarbeid mellom kompetansesentra og Statsforvaltarane i regionen.
– Vi har gjort oss fleire erfaringar på at det er nyttig å samle tenestene og lære av kvarandre. For at samlingane og digitalt nettverk skal ha verdi for kommunane og dei som har roller og ansvar i barnekoordinatorordninga, er vi avhengige av at kommunane sjølve bidrar med erfaringsdeling og innspel til fagleg innhald på samlinga. Det er dei allereie godt i gang med, og vi har fleire kommunar som har meldt seg til å dele erfaringar på samlingane! Vi tek gjerne imot innspel frå brukarorganisasjonar, seier Kvalvik: - Vi er i kontakt med nokre organisasjonar, men ta kontakt om du tenker at din organisasjon har viktige perepektiv eller erfaringar for barnekoordinatorordninga!
Kan du tenke deg å få informasjon og mulighet til å delta/bidra på samlingane? Meld deg på her!
Gå til kalender og sjå tema for samlingane, samt meld deg på